Í hádeginu í dag var hálendisvakt sumarsins 2026 hleypt formlega af stað þegar Ingunn Svala Leifsdóttir, framkvæmdastjóri Olís og Guðjón Guðmundsson varaformaður Slysavarnafélagsins Landsbjargar handsöluðu áframhaldandi samstarf.
Olís hefur verið einn aðalstyrktaraðila Landsbjargar undanfarin 20 ár og verður áfram.
Í dag er einnig fyrsti dagur hálendisvaktarinnar og á vaðið ríða félagar í Súlum björgunarsveit á Akureyri sem fengu fyrsta útkall sumarsins á leið suður Kjalveg, þegar óskað var eftir að athuga með ferðamann í Klakkskála suður af Kerlingafjöllum. Björgunarsveitin Eyvindur á Flúðum var einnig kölluð til og var komin í Klakkskála um hálf þrjú leitið í dag þar sem hlúð var að ferðamanninum sem var bæði kaldur og blautur.
Framundan er sumar þar sem nærri 250 félagar í 26 björgunarsveitum um allt land, standa vaktina í Landmannalaugum og svo þegar líða fer á júlí mánuð í Herðubreiðarlindum og Nýjadal á Sprengisandsleið. Lengst verður vakt í Landmannalaugum en þar líkur vaktinni í byrjun september.