Stórbruni varð á Selfoss í kvöld þegar eldur kom upp í Hafnartúni, stóru einbýlishúsi í miðbæ Selfoss. Neyðarlínan fékk boð um eldinn klukkan 19:37 og vinnur allt tiltækt lið frá Brunavörnum Árnessýslu að því að ráða niðurlögum eldsins.
Mikinn reyk leggur frá vettvangi og eru íbúar sem búa suðvestan við bæjargarðinn og í miðbænum beðnir um að loka gluggum.
Lögreglan beinir því einnig til fólks að gefa viðbragðsaðilum rými til að athafna sig og virða lokanir.
Hafnartún er eitt af eldri húsum bæjarins, á tveimur hæðum með kjallara og háalofti. Þegar að var komið virtist eldurinn vera á efri hæð hússins og logaði út um alla glugga.
Mikill mannfjöldi er í miðbænum og biðja Brunavarnir Árnessýslu fólk um að halda sig fjarri til að trufla ekki störf viðbragðsaðila.
Ekki var föst búseta í húsinu síðustu ár en til stóð að gera það upp og skapa því veglegan sess í nýja miðbæjarskipulaginu.
![](https://www.sunnlenska.is/wp-content/uploads/2024/03/Hafnartun-1-1024x682.jpg)
![](https://www.sunnlenska.is/wp-content/uploads/2024/03/Hafnartun-2-1024x669.jpg)
![](https://www.sunnlenska.is/wp-content/uploads/2024/03/Hafnartun-3-1024x682.jpg)
![](https://www.sunnlenska.is/wp-content/uploads/2024/03/Hafnartun-4-1024x683.jpg)
![](https://www.sunnlenska.is/wp-content/uploads/2024/03/Hafnartun-5-1024x682.jpg)
![](https://www.sunnlenska.is/wp-content/uploads/2024/03/Hafnartun-7-1024x682.jpg)
![](https://www.sunnlenska.is/wp-content/uploads/2024/03/Hafnartun-9-1024x682.jpg)
![](https://www.sunnlenska.is/wp-content/uploads/2024/03/Hafnartun-91-1024x682.jpg)
![](https://www.sunnlenska.is/wp-content/uploads/2024/03/Hafnartun-92-1024x682.jpg)
![](https://www.sunnlenska.is/wp-content/uploads/2024/03/Hafnartun-93-1024x682.jpg)
![](https://www.sunnlenska.is/wp-content/uploads/2024/03/Hafnartun-94-1024x682.jpg)