Hafnaði tilboði í tvær lóðir

Bæjarráð Árborgar hafnaði á fundi sínum á dögunum tólf milljón króna tilboði Eðalbygginga ehf í tvær lóðir með sökklum við Dranghóla á Selfossi.

Um er að ræða einbýlishúsalóðir við Dranghóla 10 og Dranghóla 15 en sökklar eru komnir á báðar lóðirnar.

Eðalbyggingar buðu samtals tólf milljónir króna í lóðirnar, tveggja milljón króna greiðslu við undirritun kaupsamnings og tíu milljón króna greiðslu eftir tólf mánuði.

Bæjarráð taldi tilboðið hins vegar ekki ásættanlegt og hafnaði því.