Sveitarstjórn Hrunamannahrepps samþykkti samhljóða á síðasta fundi sínum að gjaldskrár sveitarfélagsins í A og B hluta verði ekki hækkaðar umfram 2,5 prósent við gerð fjárhagsáætlunar ársins 2027.
„Með ákvörðuninni leggur sveitarstjórn áherslu á hófsemi í gjaldskrárbreytingum og vill þar með leggja sitt af mörkum til lækkunar verðbólgu og aukins efnahagslegs stöðugleika. Markmiðið er að takmarka auknar álögur á heimili og fyrirtæki, samhliða því að gæta að ábyrgum rekstri sveitarfélagsins og tryggja áfram góða þjónustu við íbúa,“ segir í bókun sveitarstjórnar.