Verslunin Gvendarkjör á Kirkjubæjarklaustri fær 2,5 milljón króna styrk frá innviðaráðuneytinu til þess að ljúka endurbótum á húsnæði og kaupa tæki og búnað.
Ráðuneytið úthlutaði 30 milljónum króna til verslunar í dreifbýli fyrir árin 2022 og 2023 en styrkirnir eru veittir á grundvelli stefnumótandi byggðaáætlunar fyrir árin 2022-2036.
Markmiðið er að styðja við rekstur dagvöruverslana í minni byggðarlögum fjarri stórum byggðakjörnum til að viðhalda mikilvægri grunnþjónustu.
Alls bárust ellefu umsóknir og samtals var sótt um rúmlega 41,5 milljónir króna en auk Gvendarkjörs hlutu styrki verslanir á Drangsnesi, Kópaskeri, Raufarhöfn, Bakkafirði, í Árneshreppi, Hrísey og Grímsey.