Gunnar Örn skipaður lögreglustjóri á Vesturlandi

Gunnar Örn Jónsson. Ljósmynd/Stjórnarráðið

Dómsmálaráðherra hefur skipað Selfyssinginn Gunnar Örn Jónsson í embætti lögreglustjóra á Vesturlandi frá 7. apríl næstkomandi.

Gunnar Örn var frá árinu 2015 yfirmaður ákærusviðs við embætti lögreglustjórans á Suðurlandi og staðgengill lögreglustjóra, þar til að hann tók við embætti lögreglustjóra á Norðurlandi vestra árið 2017.

Gunnar Örn útskrifaðist sem lögfræðingur árið 2003. Hann starfaði sem löglærður fulltrúi sýslumannsins á Selfossi frá 2004 til ársins 2014, þar af sem staðgengill sýslumanns frá 2008.