Guðmundur Baldursson, húsvörður, „útskrifaðist“ í dag frá Vallaskóla á Selfossi eftir farsælan feril.
Helga R. Einarsdóttir skrifar frá Vallaskóla:
Gúndi hefur unnið í 41 ár undir sama þaki en hann hóf störf í þáverandi Gagnfræðaskóla Selfoss árið 1978, þegar Guðbjartur Ólason, núverandi skólastjóri Vallaskóla, var 9 ára gamall. Guðbjartur kvaddi Gúnda í dag fyrir hönd starfsfólks og fjölmenni var í kveðjukaffinu og tertan góð.
Margir nemendur sem útskrifast hafa á öllum þessum árum, hafa snúið aftur, nú sem starfsfólk skólans, svo ekki hefur þeim leiðst á námsárunum í gagnfræðaskólanum, Sólvallaskóla eða Vallaskóla.
