Gullverk ehf á Drumboddsstöðum átti lægsta tilboðið í fráveituframkvæmdir á Laugarvatni sem boðnar voru út á dögunum.
Tilboð Gullverks hljóðaði upp á rúmar 48 milljónir króna en kostnaðaráætlun Bláskógabyggðar er tæpar 55,3 milljónir króna.
Fjögur önnur verktakafyrirtæki buðu í verkið; Fögrusteinar ehf buðu 51,9 milljónir króna, Egill Guðjónsson ehf 54,4 milljónir, Topptækni ehf 56,6 milljónir og Gröfutækni ehf 65 milljónir króna.
Verkið felur í sér lagningu vatns- og fráveitu á Laugarvatni og á því að vera lokið þann 15. október næstkomandi.