Gullkistan fékk menningarverðlaun

Menningarmálanefnd Bláskógabyggðar afhenti menningarverðlaun sveitarfélagsins fyrir árið 2015 á 17. júní hátíðarhöldum sem fram fóru í Reykholti.

Að þessu sinni komu verðlaunin í hlut Gullkistunnar, miðstöð sköpunar, á Laugarvatni. Gullkistan hefur með starfsemi sinni auðgað menningu og starfsemi á Laugarvatni svo sómi sé af. Fólk víðsvegar að úr heiminum kemur á Laugarvatn til að sinna sinni sköpun.

Starfsemi og hróður Gullkistunnar hefur borist víða og og nýtur starfsemin virðingar langt út fyrir landsteinana.