Veðurstofan hefur gefið út gula viðvörun fyrir allt landið á mánudag, annan í páskum. Í framhaldinu verða gerðar viðvaranir fyrir hvert spásvæði út frá því hvernig veðurspá er þar og á hvaða tíma viðvörunin gildir.
Samkvæmt veðurspánni mun ganga í austan 18-28 m/sek á mánudagsmorgun, hvassast syðst, en hægari vindur norðanlands fram eftir degi. Spáð er talsverðri eða mikilli snjókomu, einkum sunnan- og austantil.
Á mánudagskvöld hlýnar og fer að rigna sunnan til en búast má við talsverðum samgöngutruflunum og versnandi akstursskilyrðum. Fólk er hvatt til að sýna aðgát og fylgjast vel með veðurspám. Viðvaranir verða í gildi frá klukkan 8 á mánudagsmorgun til klukkan 4 aðfaranótt þriðjudags.
ATH: Viðvörunin verður uppfærð sérstaklega fyrir Suðurland, Suðausturland og aðra landshluta.