Veðurstofan hefur gefið út gula viðvörun á Suðurlandi fyrir laugardaginn 7. mars þar sem búist er við þrumuveðri.
Viðvörunin er í gildi frá 11:30 til 18:00 en búist er við tíðum eldingum á þessum tíma.
UPPFÆRT: Veðurstofan hefur gefið út aðra viðvörun vegna þrumuveðurs á milli kl. 15 og 18 í dag. Það var ekki seinna vænna, það er rosalegt þrumuveður á Suðurlandi núna.
Fólk er beðið um að forðast vötn, hæðir í landslagi og berangur – og fylgjast vel með veðurspám.
Nánari upplýsingar um viðbrögð við eldingaveðri er á upplýsingasíðu Almannavarna.