Veðurstofan hefur gefið út gula viðvörun fyrir Suðurland vegna snjókomu næstu sautján klukkustundirnar.
Viðvörunin tekur gildi á hádegi í dag og gildir til klukkan 5 í fyrramálið.
Vaxandi smálægð nálgast landið úr suðri og eru líkur á talsverðri snjókomu á suðvestanverðu landinu síðdegis.
Búast má við talsverðri sjókomu og takmörkuðu skyggni, einkum á Hellisheiði og í Þrengslum og eru staðbundar samgöngutruflanir líklegar.