Veðurstofan hefur gefið út gula viðvörun fyrir Suðurland og Suðausturland sem gildir eftir hádegi á mánudag vegna austan hríðarveðurs.
Á Suðurlandi gildir viðvörunin frá klukkan 12 til 17. Gert er ráð fyrir austan 15-23 m/sek og snjókomu eða skafrenningi. Sums staðar verður slydda eða rigning. Vindhviður verða allt að 40 m/sek undir Eyjafjöllum og varasamt ferðaveður á svæðinu.
Á Suðausturlandi gildir viðvörunin á milli klukkan 13 og 20. Verstu hviðurnar, allt að 40 m/sek, verða í Mýrdal og í Öræfum.