Veðurstofan hefur gefið út gula viðvörun vegna snjókomu á Suðurlandi frá klukkan 6 í fyrramálið til klukkan 17 síðdegis.
Gert er ráð fyrir snjókomu og litlu skyggni á köflum, einkum undir Eyjafjöllum og í Fljótshlíð. Líklegt má teljast að erfiðleikar gætu orðið í samgöngum, að því er fram kemur í tilkynningu frá Veðurstofunni.
Á Suðausturlandi verður suðaustan hríð, 10-18 m/sek og skafrenningur og líkur á samgöngutruflunum. Viðvörunin gildir þar fram að miðnætti.