Veðurstofan hefur gefið út gula viðvörun um allt land næsta sólarhringinn. Hún gildir á Suðurlandi frá miðnætti í kvöld, til klukkan 21 annað kvöld.
Gert er ráð fyrir norðan stormi eða roki, 18-28 m/sek og búast má við mjög snörpum vindhviðum, staðbundið yfir 35 m/sek einkum í Mýrdal og í Öræfum.
Það getur verið varasamt að vera á ferðinni og samgöngutruflanir á Suðurlandi eru líklegar. Fólk er hvatt til að sýna aðgát og ganga frá lausum munum til að forðast tjón.