Gul viðvörun: Samgöngutruflanir í hríðarveðri

Veðurstofan hefur gefið út gula viðvörun fyrir Suðurland og er hún í gildi frá kl. 6 á fimmtudagsmorgun, til kl. 17 síðdegis.

Spáð er suðvestan stormi eða roki og hríð með vindhraða á bilinu 15 til 23 m/sek og éljagangi, hvassast við ströndina. 

Takmarkað eða lélegt skyggni verður í éljum og versnandi akstursskilyrði svo að búast má við afmörkuðum samgöngutruflunum og lokunum á vegum, líklegast á Hellisheiði. 

Fólki er bent á að sýna varkárni og fylgjast með færð á vegum.