Veðurstofan hefur gefið út gula viðvörun sem gildir frá klukkan 2 aðfaranótt sunnudags til klukkan 17, síðdegis á sunnudag.
Viðvörunin er gefin út vegna mikillar rigningar sem er væntanleg, þannig að búast má við auknu afrennsli og vatnavöxtum í ám og lækjum, sem eykur hættu á flóðum og skriðuföllum.
Einnig má búast við auknu álagi á fráveitukerfi og er fólk hvatt til að sýna aðgát og huga að niðurföllum til að forðast vatnstjón.