Veðurstofan hefur gefið út gula viðvörun fyrir Suðurland sem gildir frá 12:00 í dag til kl. 4:00 í nótt.
Spáð er suðaustan og austan 8-13 m/sek og talsverðri eða mikilli rigningu.
Búast má við auknu afrennsli og vatnavöxtum í ám og lækjum sem eykur hættu á flóðum og skriðuföllum og getur valdið tjóni og raskað samgöngum. Einnig er aukið álag á fráveitukerfi.
Fólk er hvatt til að huga að niðurföllum til að forðast vatnstjón.