Veðurstofan hefur gefið út gula viðvörun sem gildir fyrir Suðurland frá kl. 14 í dag og fram til kl. 22 í kvöld.
Gert er ráð fyrir suðvestan 18-23 m/sek og snörpum vindhviðum og getur verið varasamt fyrir ökutæki sem taka á sig mikinn vind að vera á ferðinni.
Fólki er bent á að tryggja lausamuni til að fyrirbyggja foktjón og líklega fer þá hver að verða síðastur að ganga frá garðhúsgögnunum eftir sumarið.