Veðurstofan hefur gefið út gula viðvörun fyrir Suðurland sem gildir frá klukkan 21 á föstudagskvöld til klukkan 9 á laugardagsmorgun.
Gert er ráð fyrir suðaustan 15-23 m/s og rigningu, hvassast og úrkomusamast verður við ströndina og undir Eyjafjöllum.
Búast má við hviðum undir Eyjafjöllum allt að 40 m/sek og verður varasamt fyrir ökutæki sem taka á sig mikinn vind að vera á ferðinni.
Á Suðausturlandi gildir viðvörunin frá miðnætt til klukkan 14 á laugardag. Hvassast verður í Mýrdalnum og í Öræfum með hviðum yfir 40 m/s. Búast má við sandfoki og er fólk er hvatt til að sýna aðgát.
Veðurstofan hvetur Sunnlendinga til þess að huga að lausamunum áður en veðrið skellur á.