Veðurstofan hefur gefið út gula veðurviðvörun fyrir Suðurland sem gildir frá klukkan 10 á sunnudagsmorgun til klukkan 19 á sunnudagskvöld.
Gert er ráð fyrir suðaustan 18-25 m/sek, og verður hvassast í vindstrengjum við fjöll, þar sem hviður geta orðið allt að 40 m/sek, t.d. undir Eyjafjöllum. Aðstæður geta verið varasamar fyrir ökutæki sem eru viðkvæm fyrir vindi.
Það verður rigning á láglendi en mögulega snjókoma á fjallvegum og færð gæti spillst.