Veðurstofan hefur gefið út gula viðvörun fyrir Suðurland og Suðausturland vegna suðvestan hvassviðris og éljagangs á föstudaginn.
Viðvörunin á Suðurlandi tekur gildi klukkan 1 í nótt og gildir til klukkan 8 á laugardagsmorgun. Á Suðausturlandi gildir viðvörunin frá klukkan 10 á föstudagsmorgun til klukkan 9 á laugardagsmorgun.
Gert er ráð fyrir suðvestan 15-23 m/sek með dimmum éljum og slæmu skyggni. Búast má við versnandi færð á fjallvegum og varasömu ferðaveðri.
Einnig má búast við hækkandi sjávarstöðu vegna áhlaðanda.