Það verða gul jól á Suðurlandi en Veðurstofan hefur gefið út gula viðvörun fyrir aðfangadag vegna snjókomu.
Viðvörunin tekur gildi klukkan 9 í fyrramálið og gildir til miðnættis. Gert er ráð fyrir talsverðri snjókomu og austan og norðaustan 10-15 m/sek.
Sums staðar verður mikil ofankoma og búast má við versnandi færð og samgöngutruflunum.
UPPFÆRT KL. 14:57: Suðausturland er einnig orðið gult, frá klukkan 13 á aðfangadag til kl. 6 á jóladagsmorgun. Mesta snjókoman verður í V-Skaftafellssýslu en úrkomulítið austan Öræfa. Versnandi færð og líkur á samgöngutruflunum.