Veðurstofan hefur gefið út gula viðvörun fyrir Suðurland sem gildir frá klukkan 20 í kvöld, laugardagskvöld, til klukkan 11 á sunnudagsmorgun.
Gert er ráð fyrir hvassviðri eða stormi, 15-23 m/sek og rigningu. Hvassast verður á Reykjanesi og undir Eyjafjöllum.
Búast má við snörpum vindhviðum við fjöll sem staðbundið geta farið yfir 35 m/sek og varasamt verður fyrir ökutæki sem taka á sig mikinn vind að vera á ferðinni.
