Gul jól framundan

Veðurstofan hefur gefið út gula viðvörun fyrir Suðurland sem gildir frá hádegi á jóladag, til klukkan 18.

Gert er ráð fyrir suðvestan 15-23 m/sek og talsverðum éljagangi.

Búast má við snörpum vindhviðum í éljahryðjum sem getur skapað varasöm akstursskilyrði.

Fólk þarf því að hafa varann á hyggi það á ferðalög en viðvörunin gildir einnig fyrir höfuðborgarsvæðið og Vesturland.