Guðrún Geirsdóttir, geðlæknir, hefur verið ráðin yfirlæknir geðlækninga innan Heilbrigðisstofnunar Suðurlands.
Guðrún lauk læknanámi frá Friedrich Schiller Universitat i Jena í Þýskalandi og sérnámi í geðlækningum frá Landspítalanum háskólasjúkrahúsi árið 2007.
Hún hefur starfað á ýmsum deildum geðsviðs LSH auk þess verið yfirlæknir geðdeildar á Sjúkrahúsinu á Akureyri í tvö ár. Þá hefur hún einnig rekið eigin læknastofu.
Í tilkynningu frá HSU segir einnig að Guðrún syngur með kórnum Spectrum, sem hefur tekið þátt í fjölda viðburða og keppna, og auk þess röltir hún á fjöll með gönguhópnum Veseni og vergangi.