Gengið hefur verið frá ráðningu Guðrúnar Jóhannsdóttur í starf skólastjóra Barnaskólans á Eyrarbakka og Stokkseyri frá og með 1. ágúst næstkomandi.
Guðrún, sem er frá Eyrarbakka, er núna starfandi deildarstjóri í Vallaskóla á Selfossi en hún hefur tæplega 26 ára reynslu af stjórnun, skólaþróun og leiðtogastörfum innan grunnskóla m.a. sem skólastjóri.
Guðrún er með B.ed. gráðu frá Kennaraháskóla Íslands, meistarapróf í menntun án aðgreiningar frá Háskóla Íslands auk diplómu í stjórnun menntastofnana.