Guðmundur Finnbogason, skólastjóri Þjórsárskóla, er oddviti A-listans, sem er nýtt framboð í Grímsnes- og Grafningshreppi.
Í tilkynningu frá A-listanum segir að þar sé á ferðinni framboð með skýra framtíðarsýn um öflugt, samheldið og framsækið samfélag. Listinn er skipaður fólki víðs vegar úr sveitarfélaginu með fjölbreytta reynslu, þekkingu og sterka tengingu við nærumhverfið.
Annað sæti listans skipar Rebekka Lind Guðmundsdóttir, kennari á Borg og í þriðja sæti er Bergur Guðmundsson, þjónustumaður og bóndi á Brjánsstöðum.
Listann skipa:
1. Guðmundur Finnbogason. Skólastjóri Þjórsárskóla. Borg.
2. Rebekka Lind Guðmundsdóttir. Kennari við Kerhólsskóla. Borg.
3. Bergur Guðmundsson. Þjónustumaður DeLaval og bóndi. Brjánsstaðir.
4. Ragnheiður Eggertsdóttir. Yfirmatráður og rekstarstjóri Sólheimaseturs ses. Sólheimar.
5. Örvar Bjarnason. Kerfisfræðingur hjá Opnum kerfum. Ásgarður.
6. Dagný Davíðsdóttir. Ráðgjafarþroskaþjálfi hjá Skóla- og velferðarþjónustu Árnesþ. Borg.
7. Pétur Thomsen. Myndlistamaður. Sólheimar.
8. Halldór Þorbjörnsson, Starfsmaður áhaldahúss og reiðkennari. Miðengi.
9. Sigurður Yngvi Ágústsson. Búfræðingur og smiður. Stærri-Bær.
10. Sigríður Kolbrún Oddsdóttir. Eldri borgari og fyrrverandi flugþjónn. Snæfoksstaðir.
„A-listinn vill tryggja að Grímsnes- og Grafningshreppur verði áfram vel rekið sveitarfélag með öfluga innviði, ábyrgan rekstur, góða stjórnsýslu og opin samskipti. Samtal við íbúa og fasteignaeigendur verði stöðugt á kjörtímabilinu,“ segir í tilkynningu frá framboðinu.