Guðrún Erlingsdóttir, varaþingmaður og heilsumeistaranemi, býður sig fram í 2.-3. sæti í rafrænu flokksvali Samfylkingarinnar í Suðurkjördæmi 16.-17. nóvember nk.
Guðrún er búsett í Vestmannaeyjum, hefur helgað verkalýðsbaráttunni starfskrafta sína og verið virk í sveitarstjórnar- og félagsmálum. Hún tók sæti sem varaþingmaður á Alþingi í október 2009 og er stjórnarformaður Viðlagatryggingar Íslands, ásamt setu í fleiri nefndum.
Í tilkynningu frá Guðrúnu kemur fram að hún leggur áherslu á réttlátt þjóðfélag þar sem raunverulegur jöfnuður ríkir. Þar sem náttúruauðlindir, sameign þjóðarinnar eru nýttar af skynsemi og virðingu. Einnig leggur hún áherslu á að hlúð sé að matarkistu og fyrirtækjum Suðurkjördæmis til sjávar og sveita. Óhefðbundnar leiðir í heilbrigðismálum eru Guðrúnu hugleiknar.