Upp úr klukkan sex í morgun höfðu lögreglumenn frá Selfossi afskipti af ökumanni sem var á akstri eftir Biskupstungnabraut við Þingvallaveg og reyndist hann vera undir áfengisáhrifum.
Maðurinn var fluttur á lögreglustöðina á Selfossi í blóðsýnatöku en að henni lokinni var hann frjáls ferða sinna.
Ekki leið á löngu þar til maðurinn fór að berja á glugga lögreglustöðvarinnar og grýta hana. Maðurinn var þá handtekinn aftur og færður í fangaklefa og látinn sofa úr sér.