Gríðarmikil grjótskriða féll í sjó fram fyrir nokkrum dögum í Reynisfjöru, rétt austan við Hálsanefshelli.
Enn er ófært austurfyrir stuðlabergsnefið eftir landbrotið í fjörunni í vetur og segja staðkunnugir líklegt að það hafi forðað manntjóni, því þar sem stóra skriðan féll í vikunni er venjulega allt krökkt af fólki.
Myndirnar sem fylgja fréttinni voru teknar í kvöld og sýna vel umfang grjótskriðunnar.
