Grétar Ingi Erlendsson, formaður bæjarráðs Ölfuss, leiðir D-lista Sjálfstæðisfélagsins í Ölfusi í komandi sveitarstjórnarkosningum. Sigurbjörg Jenný Jónsdóttir, bæjarfulltrúi, skipar 2. sætið og Gestur Þór Kristjánsson, forseti bæjarstjórnar, sem leiddi listann í síðustu kosningum, skipar 3. sætið.
Í tilkynningu frá framboðinu segir að árangur síðustu ára í Ölfusi, undir forystu D-listans, hafi vakið eftirtekt á landsvísu og ljóst sé að næsta kjörtímabil, undir sterkri forystu D-listans, tryggi áframhaldandi vöxt af ábyrgð, festu og framsýn.
Framboðslistinn var samþykktur einróma á fjölmennum fundi Sjálfstæðisfélagsins í Ölfusi í kvöld.
„Við ætlum að leiða Ölfus inn í næsta vaxtarskeið með áherslu á velferð þeirra sem hér búa. Það gerum við með ábyrgri fjármálastjórn, markvissri uppbyggingu innviða og skýrri forgangsröðun í þágu íbúa,“ segir Grétar Ingi. „Einróma samþykkt listans í kvöld sýnir að við stöndum þétt saman og erum tilbúin í verkefnið.“
Grétar segir markmiðið skýrt; að tryggja að Ölfus haldi áfram að vera eftirsóknarvert sveitarfélag þar sem gott er að búa, starfa og ala upp fjölskyldu.
D-listi Sjálfstæðismanna er sem hér segir:
1. Grétar Ingi Erlendsson – formaður bæjarráðs og sölu- og markaðsfulltrúi
2. Sigurbjörg Jenný Jónsdóttir – bæjarfulltrúi, bóndi og viðskiptafræðingur
3. Gestur Þór Kristjánsson – forseti bæjarstjórnar, húsasmíðameistari
4. Erla Sif Markúsdóttir – bæjarfulltrúi, deildarstjóri í Grunnskólanum í Þorlákshöfn
5. Guðlaug Einarsdóttir – deildarstjóri í Grunnskólanum í Þorlákshöfn
6. Geir Höskuldsson – byggingaiðnfræðingur
7. Bettý Grímsdóttir – hjúkrunarfræðingur
8. Davíð Arnar Ágústsson – kóngur, þjálfari og körfuknattleiksmaður
9. Ingunn Guðnadóttir – læknanemi
10. Oskar Rybinski – rafvirki og ljósahönnuður
11. Ólöf Ingibergsdóttir – atvinnurekandi
12. Böðvar Guðbjörn Jónsson – fagstjóri gagnaþróunar
13. Sævar Elí Kjartansson – smiður og þjálfari
14. Ásta Júlía Jónsdóttir – fv. kennari
