Þær Valgerður Fried, læknaritari, og Gréta Svala Bjarnadóttir, ræstitæknir, létu nýlega af störfum við Heilbrigðisstofnun Suðurlands.
Valgerður hefur starfað við stofnunina samfleytt í 26 ár, fyrst við umönnun en síðar sem læknaritari. Gréta Svala hefur starfað á HSu með hléum, í 16 ár við þrif og hefur náð að starfa við það á flestum deildum stofnunarinnar.
Þeim var haldið kveðjuhóf í vikunni ásamt samstarfsfólki sínu og framkvæmdastjórn HSu færði þeim gjöf og þakkaði þeim vel unnin störf í gegnum tíðina.