Vegna slæmrar umgengni hefur verið ákveðið að fjarlægja grenndarstöðina á Eyrarbakka tímabundið. Þetta kemur fram í tilkynningu frá Sveitarfélaginu Árborg.
Þar segir að umgengni við grenndarstöðina hafi verið algerlega óviðunandi og flokkun verulega ábótavant. Losun á grenndarstöðinni hefur verið vikuleg í allt sumar og ávallt hefur aðkoman verið í ólagi.
Á meðan stöðin verður lokuð stendur til að endurskoða staðsetningu hennar.