Í morgun barst björgunarsveitum í Árnessýslu útkall vegna fótmeiðsla göngumanns á Kattatjarnaleið í Grafningi.
Björgunarsveitarfólk þurfti að bera hinn slasaða um 200 metra leið og yfir Ölfusvatnsá að sjúkrabíl.
Þarna var á ferð gönguhópur ásamt leiðsögumanni og þegar hinn slasaði var kominn í sjúkrabíl skutluðu björgunarsveitir leiðsögumanninum áleiðis upp að Kattatjörnum þangað sem hópurinn var kominn.