Björgunarsveitir á Suðurlandi voru kallaðar út fyrr í kvöld vegna göngukonu sem var í sjálfheldu í Valahnúk í Þórsmörk.
Konan var stödd í þó nokkru brattlendi og treysti sér ekki áfram. Nærstatt björgunarsveitarfólk fann konuna fljótlega og var hún óslösuð.
Þegar fleira björgunarsveitarfólk kom á vettvang voru settar upp línur til að tryggja öryggi konunar og hún aðstoðuð niður. Gekk það vel og var hún komin á flatlendið um það leiti sem rökkur skall á.
