Björgunarsveitir voru boðaðar út kl. 23 í gærkvöldi vegna göngukonu í sjálfheldu skammt frá Hrafntinnuskeri. Björgunarfélag Árborgar, sem var staðsett í Landmannalaugum á hálendisvakt, og Flugbjörgunarsveitin Hellu voru kallaðar út.
Björgunarsveitir notuðust við buggy bíla til að komast áleiðis en landslagið var krefjandi og þurftu björgunarsveitarfólk að ganga nokkra kílómetra að konunni.
Um kl. 2 í nótt komust björgunaraðilar að konunni þar sem hún hélt sér kyrru fyrir en var orðið frekar kalt. Björgunarsveitirnar notuðu fjallabjörgunarbúnað til að koma konunni til aðstoðar. Í kjölfarið fékk hún fékk aðhlynningu og fóru björgunarsveitir með hana í nærliggjandi skála.
Björgunaraðilar héldu að því loknu heim á leið og voru komnir til baka á sjöunda tímanum í morgun.