Á dögunum stóðu markaðsstofur landshlutanna í fyrsta sinn fyrir sameiginlegum kynningarfundi ferðaþjónustuaðila af landsbyggðinni undir nafninu Mannamót 2014.
Mannamótið var haldið í flugskýli flugfélagsins Ernis en þar komu saman um 160 öflug fyrirtæki af öllu landinu og kynntu vörur og þjónustu sína. Tilgangurinn með verkefninu er að kynna landsbyggðarfyrirtæki fyrir ferðaþjónustuaðilum sem staðsettir eru í Reykjavík og vinna með því að dreifingu ferðamanna um landið og uppbyggingu heilsársferðaþjónustu.
Mikill fjöldi gesta kom og tók þátt í kynningunni og voru allir sammála um að greinilega væri mikil gróska í ferðaþjónustu á landsbyggðinni. Ljóst þykir að endurtaka verður þennan velheppnaða viðburð aftur að ári.