Ingimar Guðmundsson, bæjarstjóri Hveragerðisbæjar, tók á dögunum við góðri gjöf frá Kvenfélagi Hveragerðis í tilefni af 80 ára afmæli Hveragerðisbæjar. Gjöfin er útibekkur með blómaskreyttu byggðarmerki bæjarins fyrir ofan.
Bekkurinn er staðsettur í lystigarðinum Fossflöt og er kjörið að nýta hann í skemmtilegar og blómlegar myndatökur, eða bara til að slaka á og njóta.
Bekkurinn er smíðaður á Litla Hrauni úr tré frá Snæfoksstöðum í Grímsnesi en grindina, sem er byggðarmerki Hveragerðisbæjar, smíðaði Hvergerðingurinn Jóhann Wolfram. Það var svo Bryndís Eir Þorsteinsdóttir sem skreytti merkið með blómum.
Gjöf sem vert er að setjast á