Gjaldskrá Arkar hækkar ekki

Sveitarstjórn Rangárþings eystra samþykkti á síðasta sveitarstjórnarfundi að gjaldskrá Leikskólans Arkar myndi ekki hækka á árinu 2014.

Gjald fyrir átta tíma vistun, fimm daga vikunnar verður því áfram 30.280 kr. Einstæðir foreldrar fá 40% afslátt af almennum gjöldum.

Systkinaaflsáttur er 50% fyrir annað barn og 90% fyrir þriðja barn og umfram það.

Systkinaafsláttur gildir einnig ef eitt af börnum er vistað hjá dagmóður.

Fyrstu fjórar klukkustundirnar eru án gjalds fyrir 5 ára börn og miðast það við síðasta skólaárið. Að auki fá námsmenn og öryrkjar afslátt.