Gistiheimili fær vínveitingaleyfi

Bæjarráð Árborgar hefur veitt gistiheimilinu við Austurveg á Selfossi gistileyfi í flokki 5 með breyttum opnunartíma og vínveitingaleyfi til kl. 23 alla daga.

Skipulags- og byggingarnefnd Árborgar hafði mælt með því að gisti­heimilið fengi lengri opnunartíma og vínveitinga­leyfi en málið hefur dregist talsvert í um­fjöllun nefndarinnar.

Nokkur andstaða er meðal nágranna við veit­inguna og höfðu þeir skilað inn ítarlegum athugasemdum, sem lutu helst að því að ónæði gæti skapast af gestum gistiheimilisins að kvöld­­lagi.

Á fundi skipulags- og byggingarnefndar var ákveðið að skipulags- og bygg­ing­ar­­fulltrúa svari framkomnum athuga­semdum. Bæjarráð hefur staðfest fundargerð nefndarinnar.