Gestkvæmt var á nýjum útsýnis- og áningarstað Landsvirkjunar við Vaðölduver um helgina.
Starfsfólk Landsvirkjunar tók þar á móti áhugasömu fólki sem vildi fræðast um fyrsta vindmylluver landsins og þar eru einnig skilti með upplýsingum um vindmyllur og starfsemi okkar á svæðinu.
Gestir þáðu kaffi, djús og kleinur og virtu fyrir sér þær sex vindmyllur sem þegar eru risnar. Alls verða vindmyllurnar í Vaðölduveri 28 talsins. Helmingur þeirra rís í sumar og hinar fjórtán rísa næsta sumar.