Landhelgisgæslan heldur áfram að heimsækja sveitarfélög víðsvegar um landið í tilefni 100 ára afmælis stofnunarinnar.
Laugardaginn 5. september næstkomandi ætlar áhöfnin á varðskipinu Þór að bjóða áhugasömum að skoða skipið sem verður við bryggju í Þorlákshöfn og kynnast verkefnum Landhelgisgæslunnar milli 13 og 15:00.
Varðskipið mætti til Þorlákshafnar í gær. Skipið er eitt fullkomnasta skip sinnar tegundar á Norður-Atlantshafi. Það nýtist frábærlega til löggæslu og eftirlits, leitar- og björgunar, mengunarvarna en auk þess hefur það umtalsverða dráttargetu. Það er sérstaklega hannað með þarfir Íslendinga og framtíðaráskoranir á Norður Atlantshafi í huga.