Bæjarráð Árborgar samþykkti í gær að gera úttekt á hlut hvors kyns fyrir sig í stjórnunarstöðum hjá sveitarfélaginu.
Sambandi íslenskra sveitarfélaga hefur hvatt sveitarfélög til að vekja athygli á jafnréttismálum í tilefni af kvennafrídeginum þann 24. október nk.
Til að svara kallinu samþykkti bæjarráðið að gera úttektina en auk þess hefur félagsmálanefnd verið falið að taka jafnréttisáætlun sveitarfélagsins til endurskoðunar.