Um klukkan 21 í gærkvöldi barst öllum björgunarsveitum í Árnessýslu útkall um slasaðan einstakling við Háafoss. Viðkomandi hafi verið einn á ferðalagi, slasaðist á fæti og var ófær um gang.
Ekkert símasamband var innst í gilinu þar sem maðurinn lá og höfðu ferðamenn gengið fram á hann og kallað eftir aðstoð. Ekki er vitað hvað langt var síðan maðurinn slasaðist þegar gengið var fram á hann.
Þegar fyrstu bjargir mættu á vettvang var ljóst að mjög krefjandi böruburður væri framundan. Þyrla Landhelgisgæslunnar var því kölluð út en þegar hún var komin á staðinn varð ljóst að hið minnsta þyrfti að flytja manninn til svo hægt væri að hífa hann í þyrluna. Þá var ákveðið að boða út undanfara björgunarsveita á höfuðborgarsvæðinu og fór þyrlan aftur til Reykjavíkur, til að taka eldsneyti og flytja undanfara á svæðið.
Þá var klukkan orðin 00:30 en þá var um tuttugu manna hópur björgunarsveitarfólks kominn að manninum og í kjölfarið var ákveðið að flytja hann í börum að sjúkrabíl.
Laust fyrir klukkan 2 í nætt var hinn slasaði kominn um borð í sjúkrabíinnl og viðbragðsaðilar héldu heim á leið. Björgunarsveitir tóku einnig að sér að koma bíl mannsins til byggða.
