Meirihluti bæjarstjórn Hveragerðisbæjar og Geir Sveinsson bæjarstjóri hafa komið sér saman um tillögu að starfslokasamningi Geirs. Tillagan verður lögð fyrir fund bæjarstjórnar á föstudagsmorgun.
Starfsfólk á bæjarskrifstofu Hveragerðisbæjar var upplýst í morgun um að tillagan verði lögð fram.
Í tilkynningu frá Jóhönnu Ýr Jóhannsdóttur, formanni bæjarráðs og Nirði Sigurðssyni, forseta bæjarstjórnar, segir að ekki verði veittar frekari upplýsingar fyrr en að bæjarstjórnarfundi loknum.