![Fegurstu garðar Hveragerðisbæjar](https://www.sunnlenska.is/wp-content/uploads/2019/08/Fegurstu-garðar-Hveragerðisbæjar-696x455.jpg)
Viðurkenningar vegna fegurstu garða Hveragerðisbæjar árið 2019 voru afhentar við hátíðlega athöfn í tengslum við bæjarhátíðina Blómstrandi daga á dögunum.
Verðlaunahafarnir eru Hólmfríður Skaptadóttir og Gísli Gíslason í Dynskógum 4, Sigurlín Guðjónsdóttir í Heiðmörk 28H og Guðlaug B. Björnsdóttir í Laufskógum 23.
Eins og venjan er voru verðlaunagarðarnir opnir fyrir gesti á Blómstrandi dögum en fjöldi fólks notaði tækifæri til að skoða þessa fallegu garða og ekki síður til að fá góðar hugmyndir fyrir sína eigin garða.