Gáfu tvær Tetra stöðvar í nýju aðgerðastjórnstöðina

Kjartan Þráinsson tæknilegur söluráðgjafi hjá Ísmar, afhendir Pétri Péturssyni slökkviliðsstjóra Brunavarna Árnessýslu talstöðvarnar. Ljósmynd/BÁ

Fyrirtækið Ísmar, sem sérhæfir sig í allskyns tæknibúnaði, færði nýrri aðgerðastjórnstöð Almannavarna og viðbragðsaðila á Suðurlandi tvær Tetra talstöðvar að gjöf í dag.

Vinna við uppsetningu stjórnstöðvarinnar er í fullum gangi en nokkuð á þó eftir að afla af búnaði til þess að hún nái fullri virkni. Stjórnstöðin er hins vegar virk og komin í notkun þegar á þarf að halda.