Björgunarsveitin Stjarnan í Skaftártungu hefur síðastliðið ár verið að byggja nýtt hús undir starfsemi sína. Ferðaþjónustufyrirtæki tóku höndum saman og fjármögnuðu kaup á varmadælu í húsið.
Til að fjármagna kaup á varmadælu í nýja húsið leitaði sveitin til þeirra ferðaþjónustufyrirtækja sem mest eru að Fjallabaki á sumrin en það eru Íslenskir fjallaleiðsögumenn, Ferðakompaníið, Útivist, Fjallabak, Ferðafélag Íslands og Kynnisferðir.
Fyrirtækin tóku vel í þá beiðni að styrkja sveitina á þennan hátt og fjármögnuðu kaupin í sameiningu.