Það er venja í Hvolsskóla að 10. bekkur fer í ferð til Danmerkur áður en þau útskrifast. Nemendurnir safna fyrir ferðinni allt skólaárið og eiga því góðan sjóð þegar haldið er utan.
Í ár hafði COVID-19 það í för með sér að 10. bekkur komst ekki í ferðina sína en krakkarnir fóru þess í stað í ferð innanlands og skemmtu sér stórvel.
Í ferðasjóðnum var mikill afgangur og tóku nemendurnir þá ákvörðun að gefa Styrktarfélagi krabbameinssjúkra barna peningana. SKB þakkaði að vonum vel fyrir sig og það má sannarlega hrósa nemendunum fyrir góða ákvörðun.